Almaniya Federal Statistika İdarəsinin (Destatis) açıqladığı müvəqqəti məlumatlara görə, ölkədə məşğulluq avqust ayı ilə müqayisədə sentyabr ayında 247 min nəfər artıb.

Fins.az Bloomberg-ə istinadən xəbər verir ki,Sentyabrda ölkədə ümumi məşğulluq 46 milyon nəfərə yüksəldi və bununla da Şərqi və Qərbi Almaniyanın birləşdiyi 1990-cı ildən bəri ən yüksək göstəriciyə çatıb. Bundan əlavə, yeni zirvə 2022-ci ilin noyabrında görülən rekord məşğulluq nisbətini 0,3 faiz bəndi üstələyib.

Beynəlxalq Əmək Təşkilatının (BƏT) hesablama metoduna görə, ölkədə 2022-ci ilin sentyabr ayında 2,9 faiz olan işsizlik bu ilin eyni dövründə 3 faizə yüksəlib. İşsizlərin sayı 2022-ci ilin sentyabr ayı ilə müqayisədə 48 min nəfər (3,7 faiz) artaraq 1,34 milyon nəfərə çatıb.

Günel Məlikzadə
Fins.az