Fins.az xəbər verir ki, açıqlamada fondun üç aylıq dövrdə 0,3 faiz zərərlə üzləşdiyi bildirilib. Ümumi aktivlər 219,32 trilyon yenaya (1,45 trilyon dollar) yüksəlib.

Daxili istiqrazlar 2,7 faiz itirib ki, bu da fondun 2001-ci ildə maliyyə bazarlarına investisiya etməyə başlamasından bəri ən sürətli eniş olub. Fondun Yaponiya səhmləri dəyərinin 2,5 faizini itirib.

Dolların yen qarşısında möhkəmlənməsi fondun xarici aktivlərinə dəstək olub. Fondun xaricdəki səhmlərindəki itki isə 0,1 faiz səviyyəsində qalıb. Bu dövrdə dollar yen qarşısında 3 faizdən çox dəyər qazandığı üçün Yaponiyadan kənarda onun istiqrazları dəyərinin 0,8 faizini itirib.

Fondun aktivlərinin təxminən dörddə biri yerli istiqrazlardan ibarət olsa da, Yaponiya Bankı yavaş-yavaş ultra boş pul siyasətindən uzaqlaşdığı üçün son itki qiymətli kağızların saxlanması riskini vurğulayıb.

10 illik etalon istiqrazlar üzrə gəlirlilik, mərkəzi bankın daha uzunmüddətli gəlirlərin yüksəlməsinə imkan vermək üçün stimullaşdırıcı tədbirlərdən sonra bu həftə onillikdə ən yüksək səviyyəyə çatıb.

Sentyabrda sona çatan üç aylıq dövrdə MSCI qlobal fond indeksi və SP 500 indeksi 3,8% və  3,7% azalarkən, Topix  1,5% dəyər qazanıb. Bu dövrdə ABŞ-ın 10 illik xəzinə istiqrazlarının gəlirliliyi 73 baza bəndi, Yaponiya dövlət istiqrazlarının gəlirliliyi isə 37 baz bəndi artıb.

Günel Məlikzadə
Fins.az