Rusiyalı kosmonavtlar Oleq Kononenko və Nikolay Çub Beynəlxalq Kosmik Stansiyadakı Poisk Mini Tədqiqat Modulundan kosmosa çıxıblar .

Fins.az CNN-ə istinadən xəbər verir ki, “Nauka” moduluna keçən rus kosmonavtları modulda nanopeyk və rabitə aparat sistemləri quraşdırıblar. Rus kosmonavtlarının 6 saat 52 dəqiqə olaraq planlaşdırılan kosmos səyahəti, peyk sisteminin tam yerləşdirilməməsi səbəbindən 7 saat 41 dəqiqədə tamamlanıb. Modulda rabitə avadanlığının quraşdırılması başa çatdırılarkən nanopeyk sisteminin quraşdırılmasının növbəti kosmos səyahəti zamanı həyata keçiriləcəyi bildirilib. Rusiyalı kosmonavt Oleq Kononenko altıncı dəfə, Nikolay Çub isə ilk dəfə kosmosda gəzinti missiyasını yerinə yetirib.

NASA astronavtları Loral O'Hara və Jasmin Moghbeli də oktyabrın 30-da kosmosa çıxacaqlar. Kosmik yürüşün saat 08.05-də başlaması və təxminən 6 saat yarım davam etməsi planlaşdırılır.

Günel Məlikzadə
Fins.az