Yellen, BVF-Dünya Bankının Mərakeşdə təşkil edilən illik yığıncaqları çərçivəsində təşkil edilən mətbuat konfransında İsrail-Fələstin münaqişəsinin potensial iqtisadi təsirlərini izlədiklərini bildirib. Lakin vəziyyətin qlobal iqtisadi perspektivə təsir edəcəyini düşünmədiklərini də əlavə edib. 

Fins.az Bloomberg-ə istinadən xəbər verir ki, Yellen ABŞ iqtisadiyyatının yaxşı yolda olduğunu, əmək bazarının güclü performans göstərdiyini və inflyasiyanın azaldığını bildirərək deyib:
 "Məncə, ABŞ iqtisadiyyatı üçün əsas ssenari yumşaq enişdir. Təbii ki, bunun riskləri var və qlobal şoklar da bu risklər arasındadır. Ukraynadakı müharibə qlobal iqtisadi böhrandır. Bu, dünyagörüşünə xələl gətirməkdə davam edir. Aşağı gəlirli ölkələr üçün ciddi xərc artımları yaradır və neft və ərzaq qiymətlərinin artmasına səbəb olur. İsraildəki vəziyyət də yüksəlir. Buna görə yumşaq enişin dəqiq olacağını demirəm, amma bunun ən çox ehtimal olunan yol olduğunu düşünürəm”.

Yellen bu həftə Mərakeşdə Çin Mərkəzi Bankının rəhbəri Pan Qonqşenglə görüşəcəyini də bildirib.

Günel Məlikzadə
Fins.az