Sem Bankman-Fridə (SBF) qarşı açılan iki cinayət işinin birincisində hakim L. Kaplan Nyu-Yorkun Manhetten federal məhkəmə zalında toplanmış 50 potensial andlı iclasçıya suallar verib. Buna səbəb həm prokurorlara, həm də Bankman-Fried's-ə ədalətli olacaq 12 perspektivli andlı iclasçı seçmək olub.

Fins.az Bloomberg-ə istinadən xəbər verir ki, Kaplan bildirib:
"Məqsəd yalnız dəlillərə əsaslanaraq bu işi hər iki tərəf üçün ədalətli, qərəzsiz həll etmək istəyən və bacaran insanlardan ibarət jüri seçməkdir".

İşdə elektron fırıldaqçılıq, qiymətli kağızlarla fırıldaqçılıq və çirkli pulların yuyulması da daxil olmaqla 7 ittihamla üzləşən Bankman-Fried müdafiəsində bu ittihamları rədd edib.

Nyu Yorkun Cənub Dairəsinin prokurorları FTX müştərilərinin 8 milyard dollardan çox pulunun itirildiyini iddia ediblər. İddialar arasında keçmiş CEO-nun bunu ört-basdır etdiyi və FTX investorlarını aldatmağı da yer alıb.

İttiham tərəfinin işi hazırlamaq üçün təxminən 4 həftə, müdafiə tərəfinin isə arqumentlərini təqdim etmək üçün 1-2 həftəyə ehtiyacı olacağı gözlənilir.

Bankman-Fried FTX-in Baham adalarındakı qərargahından ABŞ-a ekstradisiya edildikdən sonra irəli sürülən əlavə ittihamları müzakirə edəcək. Bunun isə ikinci cinayət işində - 2024-cü ilin martında müzakirəsi planlaşdırılıb.

Günel Məlikzadə
Fins.az