ABŞ Dövlət Departamentinin dərc etdiyi mətbuat şərhinə görə, Dövlət Departamentinin sözçüsü Metyu Miller paytaxt Vaşinqtonda keçirdiyi mətbuat konfransında jurnalistlərin suallarını cavablandırıb.

Fins.az xarici mənbəyə istinadən xəbər verir ki, Tehran administrasiyasının Yaponiyanın İranla nüvə razılaşmasını canlandırmaq üçün yeni bir plan təqdim etməsi ilə bağlı suala Miller dedi:

 "Mənim bu xüsusi təşəbbüs haqqında məlumatım yoxdur. Əvvəllər də dediyimiz kimi, İranın nüvə silahıan sahib olmaması ən yaxşı diplomatiyadır.  Bu mövqeyimiz hələ də dəyişməyib" .

İranın nüvə proqramı ilə bağlı narahatlıqlara "diplomatiya" ilə cavab verəcəklərini ifadə edən Miller, "İran gərginliyi azaltmaq və bu mövzuda diplomatiyaya yer açmaq istəyirsə, addımlar atmalıdır".

ABŞ sözçüsü İranın Beynəlxalq Atom Enerjisi Agentliyinin (MAQATE) fəaliyyətinə mane olmaq üçün addımlar atdığını iddia edərək, "son bir neçə həftə ərzində İranın MAQATE-nin işinə xələl gətirmək üçün addımlar atdığını görürük. 

2015-ci ildə İran ilə Birləşmiş Millətlər Təşkilatının Təhlükəsizlik Şurasının (BMT TŞ) daimi üzvləri, ABŞ, Rusiya, Çin, İngiltərə, Fransa və Almaniya (5+1) arasında Tehranın nüvə fəaliyyətlərini tənzimləyən və nəzarət edən saziş imzalanıb. 

ABŞ-ın 2018-ci ildə sazişdən birtərəfli qaydada çıxmasından bir il sonra sazişdəki öhdəliklərini dayandıran İran, ilk olaraq 2021-ci ilin aprelində parlamentin qəbul etdiyi qanun çərçivəsində Natanzda uranı 60 faiz saflıqda zənginləşdirdiyini açıqlayıb. 2020-ci ilin dekabrı nüvə alimi Muhsin Fəhrizadənin öldürülməsindən sonra İran  bəzi nüvə obyektlərində müşahidə kameralarını yığışdırıb.

İran bu yaxınlarda MAQATE Direktorlar Şurasının ona qarşı verdiyi bəyanatlara cavab olaraq MAQATE ilə Təhlükəsizlik Təftişi Müqaviləsi çərçivəsində ölkədə müşahidə və yoxlama fəaliyyətləri həyata keçirən bəzi Agentlik müfəttişlərinin icazələrini ləğv edib.

Digər tərəfdən, İranın xarici işlər naziri Hüseyn Əmir Abdullahiyan dünən Yaponiyanın Kyodo Xəbər Agentliyinə açıqlama verib. Açıqlamada Yaponiyanın 2015-ci ildə imzalanmış, lakin nüvə sazişindən birtərəfli geri çəkildikdən sonra faktiki olaraq ləğv edilən nüvə sazişini canlandırmaq planını təqdim etdiyini bildirib.

Günel Məlikzadə
Fins.az