Aİ komissarı Didier Reynders Brüsseldə keçirdiyi mətbuat konfransında Booking Holding-in ETraveli almaq təklifinin Aİ qaydalarına uyğun olmadığını və buna görə də bunun qadağan edildiyini açıqlayıb.

Fins.az Bloomberg-ə istinadən xəbər verir ki, komissiya Etravelinin "Booking" tərəfindən alınmasının qarşısını almağa qərar verib. Reynders izah edib ki, Booking-in ETraveli-ni alması onun onlayn turizm agentlikləri bazarında dominant mövqeyini gücləndirəcək, otellər və istehlakçılar üçün daha yüksək xərclərə səbəb olacaq.

Sözügedən şirkətlərin onlayn səyahət agentlikləri, otellər və hava yolları arasında vasitəçi kimi fəaliyyət göstərdiyini xatırladan Reynders, Booking-in səyahət xidmətləri ekosisteminin satın alınma ilə genişlənəcəyini və şirkətin Aİ-nin narahatlıqlarını aradan qaldırmaq üçün kifayət qədər həll yolu təklif edə bilməyəcəyini söyləyib.

ABŞ-da yerləşən Booking Holdinqə Booking.com, Rentalcars, Priceline, Agoda, Kayak, Momondo və Cheapflights kimi saytlar daxildir.

İsveçdə yerləşən ETraveli şirkəti Gotogate, My Trip, Seat24 və SuperSaver brendləri altında aviabilet xidmətləri göstərir.

"Booking" 2021-ci ildə Etravelini 1,63 milyard avroya almağı təklif edib.

Avropada fəaliyyət göstərən iri miqyaslı şirkətlərdə birləşmə və satınalmalara nəzarət etmək Aİ Komissiyasının səlahiyyətindədir.

Aİ Komissiyası apardığı araşdırma və araşdırmalarda rəqabətə zidd vəziyyətin olub-olmamasını qiymətləndirir. Rəqabətə zidd hallar aşkar edilərsə, Aİ Komissiyası birləşmə və ya satınalmalara mane ola bilər.

Günel Məlikzadə 
Fins.az