Keçən həftə işsizlik müavinatı üçün ilk dəfə müraciət edən amerikalıların sayı gözlənilmədən azaldı və bu, FED-in pul-kredit siyasətinə dair qərarlarına təsir göstərə biləcək ABŞ əmək bazarında davam edən sıxlığın siqnalını verdi.

Fins.az "Bloomberg"ə istinadən xəbər verir ki, tez-tez ixtisarların göstəricisi olaraq görülən işsizlik müavinatı üçün ilk dəfə müraciət edənlər 2 sentyabr həftəsində 216.000 nəfərə düşüb.

Əvvəlki həftənin göstəricisi yuxarıya doğru redaktə olunaraq 229.000 nəfərə dəyişdirilib. Analitiklər bu rəqəmin 234 minə yüksələcəyini proqnozlaşdırmışdılar.

Həftəlik məlumatlarda dəyişkənliyi hesaba almağı hədəfləyən dörd həftəlik hərəkətli ortalama da 229 250 nəfərə düşüb.