Xarici ölkə vətəndaşları və ya şirkətlər İndoneziyada “qızıl viza” almaq üçün 350 mindən 50 milyon dollaradək investisiyalar qoymalıdırlar.

Fins.az xəbər verir ki, bu barədə ölkənin İnsan Hüquqları Nazirliyinin miqrasiya xidmətinin rəhbəri Silmi Kərim bildirib.

Məlumata görə, beş illik viza üçün fərdi investorlar 2,5 milyon dollar dəyərində şirkət qurmağı, on illik viza üçün isə 5 milyon dollar sərmayə tələb edir. Beş il müddətinə “qızıl viza” almaq istəyən, lakin biznesə başlamaq üçün müraciət etməyən xarici vətəndaşlar İndoneziya iqtisadiyyatına 350.000 ABŞ dolları yerləşdirməlidirlər.

Bunun üçün ya dövlət istiqrazları, ya da dövlətin səhmləri alınmalıdır. Biznes qurmaq niyyəti olmadan on il müddətinə viza almaq üçün bir əcnəbi iqtisadiyyata 700 min dollar sərmayə qoymalıdır.

İndoneziya “qızıl viza” tətbiq edən ilk ölkə deyil. Digər dövlətlərə bənzətməklə, İndoneziya hakimiyyəti bu təcrübənin ölkə iqtisadiyyatını gücləndirəcəyinə ümid edir. Oxşar siyasət artıq ABŞ, Kanada, BƏƏ, İrlandiya, Almaniya, Yeni Zelandiya, İtaliya və İspaniyada da həyata keçirilib.