Türkiyə Cümhuriyyəti Mərkəzi Bankı iyun ayında inflyasiya proqnozu əhəmiyyətli dərəcədə yaxşılaşana qədər monetar siyasətini mərhələli şəkildə sərtləşdirməyə davam edəcəyini bildirmişdir.

Fins.az "Hürriyet" qəzetinə istinadən xəbər verir ki, iyulun 20-də keçirilən iclasın nəticələrinə əsasən, Türkiyə Cümhuriyyəti Mərkəzi Bankı uçot dərəcəsini 16,5-17 faizədək artıracağını elan edə bilər.

Tənzimləyici biznes sektorunu dahada çətin vəziyyətə salmaq istəmir.

İyunun 22-də iki ildən artıq müddətdə ilk dəfə olaraq tənzimləyici əsas dərəcəsi 8.5%-dən 15%-ə qaldırdı. Analitiklər 21% səviyyəsinə qədər artım ehtimal edirdilər. Eyni zamanda Türkiyənin milli valyutası - lirənin dəyəri dollar qarşısında tarixi minimumunu yeniləyib və ilk dəfə olaraq bir dollar üçün 26 lirəlik psixoloji həddi keçib.