Avropa Statistika İdarəsi (Eurostat) may ayı üçün Avropa İttifaqı (Aİ) və Avrozona üçün pərakəndə satış məlumatlarını dərc edib.

Fins.az "Bloomberg"ə istinadən xəbər verir ki, Avrozonada pərakəndə satışlar may ayında əvvəlki ayla müqayisədə sabit qalıb.

Müvafiq olaraq, Avrozonada pərakəndə satışlar may ayında aprel ayına nisbətən sabit qalarkən, keçən ilin eyni dövrü ilə müqayisədə 2,9% azalıb.

Aylıq 0,2 %, illik isə 2,7 % azalma olacağı gözlənilirdi.

Aİ ölkələri arasında may ayında bir əvvəlki aya görə pərakəndə satışlarda ən yüksək azalma 5,3% ilə Sloveniyada, 4,5% ilə Lüksemburqda və 3,7% ilə Polşada müəyyən edilib.

Pərakəndə satışlar illik bazda Sloveniyada 13,4 %, Macarıstanda 12,3 % və Estoniyada 9,6 % azalıb.

Zəminə Hüseyn
Fins.az