Genişmiqyaslı kiberhücumlar zamanı hakerlər ABŞ hakimiyyəti və biznesinin olduqca vacib məlumatlarını oğurlamağı bacarıblar.
Fins.az xəbər verir ki, bu sözləri ABŞ-ın yeni Prezidenti Co Bayden deyib.
“Bu hücum dəqiqliklə planlaşdırıldı və həyata keçirildi. Hücumu edənlər federal qurumların hazır olmadığı zamanda onları yaxalamağı bacardılar. Hakerlər bizim texnoloji, biznes və hakimiyyət orqanlarının vacib məlumatlarını oğurlaya bildilər”, - deyə Bayden bildirib.
Qeyd edək ki, ABŞ administrasiyası bu hücumda Rusiyanı ittiham edir.