Finss.az xəbər verir ki, “AvtoVAZ” ASC 2025-ci maliyyə ilini mənfəətlə başa vurub. Bu barədə şirkətin baş direktoru Maksim Sokolov mətbuat konfransı zamanı məlumat verib.

Onun sözlərinə görə, ilkin maliyyə nəticələrinə əsasən AvtoVAZ qrup olaraq 2025-ci ili müsbət maliyyə göstəriciləri ilə tamamlayıb. Şirkət rəhbəri mənfəətin konkret həcmini açıqlamasa da, nəticələrin qənaətbəxş olduğunu vurğulayıb.

Məlumatda bildirilir ki, qrupun tərkibinə daxil olan AvtoFinance Bank da 2025-ci ildə mənfəətlə fəaliyyət göstərib. Bu, AvtoVAZ-ın maliyyə dayanıqlığının yalnız istehsal sahəsində deyil, maliyyə seqmentində də qorunduğunu göstərir.

Analitiklərin fikrincə, avtomobil bazarında çətin şərtlərə baxmayaraq, AvtoVAZ-ın ili mənfəətlə başa vurması şirkətin xərclərin optimallaşdırılması və dövlət dəstəyi mexanizmlərindən səmərəli istifadə etdiyini göstərir.