“Bank Respublika” ASC PL/TMM şöbəsinin (Pulların leqallaşdırılması və terrorizmin maliyyələşdirilməsi ilə mübarizə) kiçik mütəxəssisi vəzifəsi üzrə vakansiya elan edir.
Fins.az-ın məlumatına görə, bankın vakansiya ilə bağlı öhdəlikləri və tələbləri təqdim olunub.
Ümumi vəzifə öhdəlikləri:
- Müştəri hesablarının açılması zamanı Müştərini Tanı (KYC) prosedurlarının düzgün aparılmasına nəzarət edilməsi;
- PL/TMM proqram təminatında müştəri profilinin yoxlanılması (skrininq), uyğunluq dərəcəsinin araşdırılması, eyniləşdirmə/verifikasiya tədbirlərinin tətbiq edilməsi;
- Müştəri profili və bank əməliyyatlarının monitorinqi nəticəsində qeyri-adi və şübhəli əməliyyatların aşkarlanması, araşdırılması və analitik təhlil hesabatlarının hazırlanması;
- Bankın Müştərini Tanı (KYC) məlumatlarının elektron platformalarda yenilənməsi, aktuallığına nəzarət edilməsi;
- Müştərilərin bank əməliyyatları haqqında şöbəyə daxil olan sorğularının cavablandırılması;
- Müxbir banklardan beynəlxalq ödənişlərə aid ingilis dillində daxil olan sorğuların cavablandırılması;
- PL/TMM şöbənin fəaliyyətinə aid sahələr üzrə filiallara və bankdaxili digər strukturlara sorğuların göndərilməsi;
- Filial, şöbə və bankın digər struktur bölmələrdən PL/TMM şöbəsinə daxil olan sorğuların cavablandırılması;
- Şöbənin fəaliyyətinə dair təhlil hesabatların hazırlanması.
Namizədə qarşı tələblər:
- Ali təhsil (maliyyə, iqtisadiyyat və biznesin idarə edilməsi üzrə təhsil arzuolunandır);
- Dil bilikləri: Azərbaycan dili əla, Rus və İngilis dilləri yaxşı səviyyədə arzuolunandır;
- Komputer bilikləri: Microsoft Office (Excel);
- Bank fəaliyyətini tənzimləyən qanun və normativlər üzrə biliklər arzuolunandır;
- Yazılı və şifahi ünsiyyət qurmaq bacarığı;
- Fikrini dəqiq, dolğun və özünə əminliklə təqdim etmə bacarığı;
- Məlumatlar əsasında təhlil etmə və analitik düşünmə bacarığı;
- Məsuliyyətlilik;
- Təşəbbüskarlıq.
Göstərilən tələblərə cavab verən namizədlər öz CV-lərini 11 avqust 2023-ci il tarixinədək email-in mövzu hissəsində PL/TMM şöbəsinin kiçik mütəxəssisi qeyd edərək [email protected] elektron ünvanına göndərə bilər. Əks təqdirdə belə müraciətlilərin namizədliyinə baxılmaya bilər.
Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.