Finss.az xəbər verir ki, çərşənbə axşamı günü axşam saatlarında qızıl qiymətləri ABŞ hökumətinin bağlanması ilə bağlı narahatlıqlar və Federal Ehtiyat Sisteminin (FED) pul siyasətində mümkün yumşalma gözləntiləri fonunda artmaqda davam edib.

Comex birjasında dekabr fyuçersləri 0,3% bahalaşaraq 1 unsiya üçün 3,865 dollar olub. Sessiya ərzində qızıl qiyməti ən yüksək olaraq 3,899.20 dollar/unsiya səviyyəsinə yüksəlib. Bu, sentyabr ayının əvvəlindən bu yana təxminən 10% dəyər artımı deməkdir.

Mütəxəssislər bildirirlər ki, investorlar ABŞ-da hökumətin mümkün bağlanması və iqtisadi qeyri-müəyyənliklər fonunda qızılı etibarlı aktiv kimi görməyə davam edirlər. Eyni zamanda, FED-in gələcəkdə faiz dərəcələrini azaltmaq ehtimalı qızılın cazibəsini artırır.