Finss.az xəbər verir ki, Yahoo! Reuters mənbələrinə istinadən, ABŞ-ın ilk internet portallarından biri olan AOL İtaliyanın Bending Spoons texnologiya şirkətinə təxminən 1,4 milyard dollara satıla bilər.

Mənbələrin bildirdiyinə görə, Milanda yerləşən proqram tərtibatçısı ilə danışıqlar qabaqcıl mərhələdədir. Lakin hələlik yekun razılaşma imzalanmayıb və danışıqların nəticəsi qeyri-müəyyəndir.

Bending Spoons və Apollo Global Management nümayəndələri xəbərlərə münasibət bildirməkdən imtina ediblər. Eyni zamanda Yahoo Reuters-in sorğularına cavab verməyib.

Qeyd edək ki, Yahoo 2021-ci ildə Verizon Communications-dan şirkətin 90%-ni 5 milyard dollar dəyərində satın almış və hazırda Apollo Global Management-ə məxsusdur.