Finss.az xəbər verir ki, Avrasiya İqtisadi Komissiyasının (AİK) Şurası Avrasiya İqtisadi Birliyinə (AİB) üzv ölkələr üçün bir sıra yanacaq məhsulları və aviabiletlərə tətbiq edilən gömrük rüsumlarını 2026-cı ilədək ləğv edib.

AİB-ə üzv ölkələr arasında Rusiya, Ermənistan, Belarus, Qazaxıstan və Qırğızıstan yer alır. Yenilənmiş qərar dizel yanacağı, gəmi yanacağı, digər qazlar və aviasiya biletləri kimi məhsul və xidmətləri əhatə edir.

AİK-nin Ticarət naziri Andrey Slepnev açıqlamasında bildirib ki, bu qərarın məqsədi:

“İstehsalatın azalması və tələbatın mövsümi artımı fonunda daxili motor yanacaq bazarında sabitliyi qorumaq və balansı təmin etməkdir.”

Sənədin qüvvədə qalma müddəti 2026-cı ilin sonuna qədər nəzərdə tutulur. Bu addım, həm yanacaq təchizatında tarazlığın saxlanılması, həm də aviasiya sektorunun iqtisadi yükünün azaldılması məqsədi daşıyır.