Finss.az xəbər verir ki, beynəlxalq biofarmasevtik nəhəng AstraZeneca, Amerika Depozitar Qəbzlərini (ADR) Nasdaq birjasından delist etməyi və adi səhmlərini Nyu-York Fond Birjasında (NYSE) listinq etməyi planlaşdırır.

Rəsmi məlumata görə, ADR-lərin delistinqi 2 fevral 2026-cı il tarixində baş tutacaq. Elə həmin gün, səhər saat 8:00-da (Moskva vaxtı ilə 16:00) şirkətin NYSE-də ticarətə başlaması nəzərdə tutulur.

Bu addım, AstraZeneca-nın ABŞ bazarındakı mövcudluğunu gücləndirmək və investorlar üçün daha şəffaf və əlçatan maliyyə alətləri təqdim etmək məqsədi daşıyır. Şirkət, NYSE-də listinqlə daha geniş likvidlik və tanınma əldə etməyi hədəfləyir.