Asiya İnkişaf Bankı Azərbaycanda iqtisadi vəziyyətin sabit qaldığını açıqlayıb.

Finss.az bu barədə Asiya İnkişaf Bankına (AİB) istinadən xəbər verir ki, maliyyə gəlirləri yüksək səviyyədədir və büdcə profisitinin qorunmasına imkan verir.

2025-ci ilin birinci yarısında gəlirlər ÜDM-in 31,9 faizini təşkil edib, artım isə əsasən vergi yığımı və Dövlət Neft Fondunun köçürmələrinin çoxalması ilə bağlıdır. Xərclər ÜDM-in 27,5 faizinə çatıb, bunun 11,1 faizi əsaslı xərclər, 7,5 faizi cari xərclərdir. Nəticədə, ilk altı ayda büdcə profisiti ÜDM-in 4,4 faizini təşkil edib.

Cari hesab 1-ci rübdə 1,1 milyard dollar profisitlə bağlanıb, bu da ÜDM-in 6,5 faizinə bərabərdir. Əmtəə ticarətinin həcmi 10 milyard dollar olub; ixrac 6,2 milyard, idxal 3,8 milyard dollar təşkil edib. Neft-qaz sektorundakı profisit digər məhsullar üzrə kəsiri kompensasiya edərək 2,5 milyard dollarlıq ticarət profisitini təmin edib.

Qeyri-neft məhsullarının ixracı 11,8 faiz, idxal isə 8,2 faiz artıb. Pul köçürmələri 22 faiz azalıb. Xidmətlər balansı kəsirli olaraq qalıb: ixrac 19,9 faiz artıb, idxal isə 24,1 faiz yüksəlib.

Fuad Mədətov
Finss.az