Finss.az xəbər verir ki, İtaliyanın UniCredit və Banca Sella, Hollandiya ING Groep, Almaniya DekaBank, Belçika KBC Group, Danimarka Danske Bank, İsveç SEB, İspaniya CaixaBank və Avstriya Raiffeisen Bank International kimi aparıcı banklar avro ilə ifadə olunmuş milli sabit valyutalar üçün kriptovalyutalar yaratmaq məqsədilə əməkdaşlığa başlayıblar.

Bankların birgə bəyanatına əsasən, bu təşəbbüs blokçeyn texnologiyasından istifadə etməklə ABŞ-ın üstünlük təşkil etdiyi stabilkoin bazarına Avropa alternativi təqdim etməyi və Avropanın ödəniş sistemlərində strateji muxtariyyətini gücləndirməyi hədəfləyir.

Layihə üçün Hollandiya ərazisində yeni şirkət yaradılıb və konsorsiuma digər bankların qoşulması üçün qapılar açıqdır. Yeni stabilkoin 2026-cı ilin ikinci yarısında istifadəyə veriləcək və lisenziyalaşdırma, habelə nəzarət Hollandiya Mərkəzi Bankı tərəfindən həyata keçiriləcək.

Bu yeni rəqəmsal valyuta proqramlaşdırıla bilən, 24/7 fəaliyyət göstərən, səmərəli və aşağı xərcli transsərhəd ödənişlər üçün nəzərdə tutulub.