2025-ci ildə Azərbaycanda mehmanxana və mehmanxana tipli obyektlərin gəlirləri 653 milyon manat təşkil edib, bu da 2024-cü illə müqayisədə 5,9% azalma deməkdir. Ölkə üzrə mehmanxanaların birdəfəlik tutumdan istifadə səviyyəsi 24,4% olub.

Finss.az Dövlət Statistika Komitəsinin məlumatına əsasən xəbər verir ki, 2025-ci ildə Azərbaycanda mehmanxana və mehmanxana tipli obyektlərin gəlirləri 653,0 milyon manat olub. Bu göstərici 2024-cü illə müqayisədə 5,9% azalma deməkdir.

Gəlirlərin strukturu üzrə:

• 61,8% nömrələrin (otaqların) təqdim olunması üzrə xidmətlərdən
• 27,2% ictimai iaşə xidmətlərindən
• 2,9% müalicə və sağlamlıq xidmətlərindən
• 8,1% digər xidmətlərdən əldə olunub

Ölkə üzrə mehmanxana birdəfəlik tutumdan istifadə səviyyəsi 24,4% təşkil edib (2024-cü ildə 24,0%). Şəhər və rayonlar üzrə göstəricilər isə belədir:

• Naftalan – 48,5%
• Şabran – 41,7%
• Bakı – 36,9%
• Qusar – 31,7%
• Sabirabad – 27,7%
• Lənkəran – 23,3%
• Qəbələ – 21,5%
• Şamaxı – 20,5%
• Bərdə – 19,5%
• Quba – 16,6%
• Beyləqan – 15,7%
• Ağdam – 15,6%
• Qax – 15,5%
• Masallı – 15,3%
• Digər şəhər və rayonlarda – 15,3%-dən aşağı

Bu göstəricilər Azərbaycan turizm sektorunda mehmanxana və hotel xidmətlərinin gəlir və tutum dinamizmini əks etdirir.

Fuad Mədətov
Finss.az