2024-cü ildə 11 yeni hava yolu şirkətinin gəlməsi üçün danışıqların davam etdiyini bildirən İGA İstanbul Hava Limanı Baş direktorunun müavini Səlahəddin Bilgen illik sərnişin hədəfini 85 milyon olaraq açıqladı.

Fins.az xəbər verir ki, 2024-cü il üçün investisiya planları haqqında məlumat verən İGA İstanbul Hava Limanı Baş direktor müavini Səlahəddin Bilgen, il ərzində hava limanına 656,5 milyon avro sərmayə qoymağı hədəflədiklərini açıqladı. 2024-cü ildə 532 min uçuşla 85 milyon sərnişin daşımağı planlaşdırdıqlarını açıqlayan Səlahəddin Bilgen, il ərzində 11 yeni hava yolu şirkətinə xidmət göstərməyi planlaşdırdıqlarını söylədi.

2019-cu ildə İGA İstanbul Hava Limanına 61 aviaşirkətin uçduğunu və Cümhuriyyətin 100-cü ildönümündə bu rəqəmi 101-ə çatdırdıqlarını bildirən Səlahəddin Bilgen, 2024-cü ilin sonuna qədər 11 yeni hava yolu şirkətini qəbul etmək üçün danışıqların davam etdiyini söylədi.

İGA-nın xidmət göstərdiyi hava yolu şirkətlərinin sayına görə dünyada ilk 3-də olmağı bacardığını izah edən Səlahəddin Bilgen, üçlü paralel uçuş-enmə zolağı əməliyyatı ilə "200 milyon sərnişin" tutumuna çatmağı hədəflədiklərini söylədi.

Həyata keçirildiyi zaman Avropada üçlü paralel uçuş-enmə zolağı fəaliyyət göstərən ilk hava limanı olacaqlarını ifadə edən Səlahəddin Bilgen, “ABŞ-dan sonra ən yüksək məhsuldarlıq və tutumla əməliyyatlar həyata keçirməyi hədəfləyirik. Bu üsulla 120 ATM/s (saatlıq hava nəqliyyatı tutumu) tutumumuz 148 ATM/s-i keçmək potensialına malikdir. Hava hərəkəti baxımından tutumun bu artımı, hava limanımızın müqavilədəki 150 milyon sərnişin hədəfini aşması və Faza 5-dən sonra planlaşdırılan əlavə uçuş-enmə zolağı sərmayəsi olmadan 200 milyon sərnişinə çatmasında mühüm rol oynayacaq" dedi.

Günel Məlikzadə
Fins.az