A3M 2024-cü il üçün dünya səyahət riski xəritəsini dərc etdi. Xəritədə riskin artdığı ölkələr arasında Türkiyə də göstərilib.

Fin.az xəbər verir ki, A3M -in ' 2024 Risk Xəritəsi'ndə ölkələr 5 fərqli kateqoriyaya bölündü. “Çox yüksək risk”, “yüksək risk”, “artan risk”, “kiçik risk” və “çox aşağı riskli ölkələr” olmaqla beş fərqli kateqoriya üzrə yaradılan risk xəritəsində Türkiyə “artan risk” ölkələri arasında göstərilib. Bu kateqoriyada Türkiyə də daxil olmaqla, Orta Asiya ölkələri, Çin, Hindistan, Tunis və Misirin bir hissəsi, Gürcüstan, Ermənistan, Azərbaycan və Braziliya kimi bir çox ölkə var idi.

“Səyahətçilər artan risklərlə üzləşirlər”:

Türkiyənin yerləşdiyi kateqoriyaya aid ölkələr üçün “Səyahətçilər artan risklərlə üzləşirlər, lakin ölkəyə/regiona səyahət edərkən əlavə tədbir görməyə ehtiyac yoxdur. Geniş yayılmış zorakı cinayətlər səbəbindən təhlükəsizlik vəziyyəti gərgin ola bilər və/və ya əhəmiyyətli sağlamlıq riskləri, təbii təhlükələr və ya digər xüsusi risklər ola bilər. Uzunmüddətli, şiddətli etirazlar mümkündür. Səyahətçilər daha çox ehtiyatlı davranmalı və təyinat üzrə xüsusi risklər və tövsiyələr barədə məlumat əldə etmək üçün yola düşməzdən əvvəl ölkə məlumat bazasına (vəziyyət hesabatları və təlimatlar təqdim edən) müraciət etməlidirlər " deyildi.

Riskli və yüksək riskli ölkələr:

Rusiya Federasiyası, Koreya Xalq Demokratik Respublikası, Əlcəzair, Pakistan, Venesuela, Kolumbiya və Misirin bəzi hissələri 'yüksək riskli ölkələr' kateqoriyasında göstərilərkən; Ukrayna, Rusiyanın Ukrayna ilə sərhədinə yaxın bölgələr, İran, İraq, Suriya, İsrail, Liviya və Venesuelanın bəzi hissələri yüksək riskli ölkələr olaraq etiketlənib.

Təhlükəsiz və çox təhlükəsiz ölkələr:

Avropa ölkələrinin əksəriyyəti, o cümlədən ABŞ, Yaponiya , Kuba və Cənubi Koreya siyahıda təhlükəsizdir ; Finlandiya, Norveç, Kanada, İslandiya və İsveçrə “çox təhlükəsiz ölkələr” kimi göstərilib. 

Maraqlıdır ki, “riskli” və ya “artan risk” kimi göstərilən ölkələr ABŞ və Avropa İttifaqı ölkələrinin birbaşa və ya dolayısı ilə gərginlik yaşadığı ölkələrdir.

Günel Məlikzadə
Fins.az