Almaniyanın turizm bazarında fəaliyyət göstərən turizm agentlikləri və turoperatorlar 2024-cü il mövsümü üçün nikbin, lakin ehtiyatlı davranırlar.

Fins.az xəbər verir ki, Almaniyada 400 iştirakçı ilə aparılan araşdırmaya görə, iştirakçıların əksəriyyəti 2024-cü ildə yaxşı turizm mövsümünün olacağını düşünür. Lakin qiymət artımının təsiri ilə bağlı narahatlıqlar da artır.

Səyahət agentliklərinin işçiləri və sahibkarlarının 62 faizi növbəti mövsümdən müsbət gözləntiləri olduğunu bildirsə də, turoperatorlarla işləyən agentliklərin 66 faizi nikbin olduğunu bildirib.

İştirakçıların əksəriyyəti gələn il tətilə tələbatın güclü olacağını desə də, yaşayış xərclərinin artması, tətil qiymətlərinin artması və iqtisadiyyatın zəif olması səbəbindən bir çox insanın qərarsız olduğu qeyd edilir.

Araşdırmada iştirak edən turizm agentlikləri qiymət artımının ailələrə mənfi təsir edəcəyindən xüsusilə narahatdırlar. Bir agent, “İki uşaqlı bir ailənin 14 günlük yay tətilinin 7-8 min avroya başa gəlməsi qəbuledilməzdir” dedi. 

Almaniyada turizm agentlikləri peşəkarlarının 60 faizi, işçilərin və tur operatorlarının menecerlərinin isə 53%-ü gələn ilin ən vacib məsələlərindən birinin qiymət artımı olacağına diqqət çəkir.

Günel Məlikzadə
Fins.az