Artrit bədənin istənilən oynaq və toxumasında ağrıya səbəb ola bilən xroniki iltihabi xəstəlikdir. Yeni araşdırmalar göstərir ki, zərdəçal əlavələri osteoartrit simptomlarını azaltmağa kömək edə bilər.

Finss.az xəbər verir ki, həkim Tatyana Zaxarovanın sözlərinə görə, tədqiqatda simptomatik osteoartriti olan 70 xəstəyə zərdəçal və ya plasebo verilib.

12 həftə sonra zərdəçal qəbul edən xəstələr ağrılarının azaldığını bildiriblər.

Araşdırma göstərir ki, zərdəçal xüsusilə diz ağrısı üçün plasebodan daha təsirlidir. Lakin əlavələr:

• Diz effuziyası
• Sinovit
• Qığırdaq tərkibi

üzərində təsir göstərmir.

Mütəxəssislər qeyd edirlər ki, nəticələrin klinik əhəmiyyətini təsdiqləmək üçün daha böyük və uzunmüddətli sınaqlar tələb olunur.

Zərdəçalın təsiri oynaqdan oynaq fərqlənir:

• Diz üçün faydalı ola bilər
• Çiyin və bilək üçün təsiri məhduddur

Əlavələr ağrını yüngülləşdirir, amma artriti müalicə etmir.