Oynaqlarda eşidilən xırçıltı səsi müxtəlif səbəblərdən meydana çıxa bilər.

Finss.az xəbər verir ki, bunu ortopedik cərrah Timur Qrişin açıqlayıb.

Həkimin sözlərinə görə, bəzi hallarda bu səs oynaq daxilindəki sinovial mayedə qaz qabarcıqlarının partlaması nəticəsində yaranır və tamamilə fizioloji, yəni zərərsiz xarakter daşıyır.

Lakin digər hallarda oynaqda çatlama səsi birləşdirici toxumanın anadangəlmə zəifliyi və ya qığırdaq toxumasının zədələnməsi ilə bağlı ola bilər:

“Oynaq çatlaması həm zərərsiz, həm də patoloji ola bilər. Yalnız qaz qabarcıqlarının yaratdığı səsdirsə, bu təhlükə daşımır. Amma kollagen çatışmazlığı və ya qığırdaq məhvi müşahidə olunursa, bu, osteoartritin erkən mərhələlərinin əlaməti ola bilər”.

Həkim həmçinin oynaqları qəsdən çatlatmağın zərərli olduğunu bildirib. Onun sözlərinə görə, bu vərdiş oynaq səthlərinin daha sürətlə aşınmasına səbəb ola bilər:

“Əgər çatlama daha tez-tez baş verirsə və ya ağrı ilə müşayiət olunursa, həkimə müraciəti gecikdirmək olmaz. Erkən mərhələlərdə aparılan müalicə effektlidir, lakin gecikmə xroniki dəyişikliklərə gətirib çıxara bilər”.