Finss.az - RQ Index agentliyi və PROMOMED biotibbi şirkəti piylənmə və artıq çəki problemlərinə dair informasiya mühitini araşdıran genişmiqyaslı araşdırma aparıb.

Brand Analytics platforması ilə 2024-cü ilin martından 2025-ci ilin martınadək 1 milyondan çox paylaşım təhlil edilib.

Tədqiqat nəticələrinə əsasən, piylənmə ilə bağlı məlumatların yalnız 10%-i müalicə üsullarını əhatə edir. Dərman terapiyasına dair məlumatlılıq və müzakirələr isə minimal səviyyədədir. 

PROMOMED-in direktoru Yekaterina Popovanın sözlərinə görə, “Əhalinin 62,5%-i artıq çəkidən əziyyət çəksə də, təsdiqlənmiş müalicə metodlarına dair informasiya çatışmazlığı bu sahədə ciddi maneələr yaradır.”

Maliyyə baxımından isə bu, dərman sənayesi və sağlamlıq texnologiyaları üçün geniş bazar imkanlarının mövcud olduğunu göstərir. Xüsusilə yerli istehsalçılar üçün ictimaiyyətin maarifləndirilməsi və sübutlara əsaslanan məhsulların tanıdılması yeni investisiya və inkişaf imkanları yarada bilər.