Finss.az - 2025-ci ilin may ayında Rusiyada tanınmış PARP inhibitoru olan talazoparib üçün yeni göstəriş qeydiyyata alınıb.

Beləliklə, dərman enzalutamid ilə kombinasiyada metastatik kastrasiya-rezistent prostat vəzi xərçəngi (mKXMPVX) olan və kimyaterapiyaya ehtiyacı olmayan yetkin pasiyentlərin müalicəsində istifadə edilə bilər.

Yeni göstəriş TALAPRO-2 adlı III fazalı beynəlxalq klinik tədqiqatın nəticələrinə əsaslanır. Araşdırmaya görə, bu kombinasiyanın istifadəsi ümumi sağqalma müddətini təxminən 9 ay artırıb. Talazoparib + enzalutamid qrupunda median sağqalma 45,8 ay təşkil edib – bu isə bu xəstəlik üzrə indiyə qədər qeydə alınmış ən uzun göstəricidir.

Qeyd edək ki, talazoparib 2022-ci ildən Rusiya Federasiyasında zəruri dərmanlar siyahısına (ЖНВЛП) daxildir və artıq süd vəzi xərçəngi kimi digər onkoloji xəstəliklərin müalicəsində geniş tətbiq olunur. Yeni göstəriş sayəsində daha çox pasiyent dövlət dəstəyi ilə bu müasir və effektiv terapiyadan yararlana biləcək.