Payızın gəldiyi dövrdə allergik insanlar üçün ən böyük problemlərdən biri tökülmüş yarpaqlardır. 

Finss.az xəbər verir ki, bu yarpaqlar yüksək rütubət və temperatur dəyişikliyi səbəbindən kif üçün ideal şərait yaradır. Kif sporlarının nəfəsə alınması allergik reaksiyalar yarada bilər. Bu reaksiyalar burun tutulması, asqırma, göz yaşarması, boğaz qaşınması və hətta dəri səpgiləri şəklində özünü göstərir.

Allergiyadan qorunmaq üçün tövsiyə olunur ki, evdə havalandırma sistemini yaxşılaşdırmaq, rütubəti azaltmaq üçün qurutma cihazları istifadə etmək və yarpaqları vaxtında təmizləmək vacibdir. Təhlükəli mühitdən uzaq duraraq, sağlamlığınızı qorumaq mümkündür.