HMD Global Nokia-nın ikonik düyməli telefonlarını yeniləməyə davam edir. Şirkətdən verilən son açıqlamaya görə, Nokia 3210 yenidən canlanacaq. İlk dəfə 1999-cu ildə satışa çıxarılan əfsanəvi model rəngli dizaynı ilə böyük təsir bağışladı. Cihazın gələn ay yenidən təqdim ediləcəyi gözlənilir.

Fins.az xəbər verir ki, internetə yayılan təqdimat şəkli HMD Global-ın Nokia 3210 (2024) versiyası üçün planlarını ortaya qoydu. Bu ilin sonunda təqdim ediləcək cihaz dizayn dilini qoruyaraq günümüzə uyğunlaşdırılacaq. Onun 3210-u unudulmaz edən eyni düymə düzümünə malik olması diqqətdən qaçmır.

Cihazın arxa korpusu 2024-cü il şərtlərinə uyğun bir görünüşə malikdir. Həmçinin 3210-da mövcud olmayan, lakin bugünkü standartlara cavab vermək üçün zəruri olan arxa kamera diqqəti cəlb edir. Qeyd edək ki, Nokia loqotipi arxa tərəfdə olacaq. HMD də aşağıya öz brendini əlavə etməyi unutmayıb.

HMD retro dizayna sadiq qalmasına baxmayaraq, görünür, bəzi texniki təkmilləşdirmələr etməyi unutmayacaq. Sızdırılan görüntüdə cihazın 4G bağlantısı və Bluetooth dəstəyi olacağı bildirilir. Köhnə modellə müqayisədə batareyanın ömründə artım olacağı da bildirilir.

Spesifikasiyalar hələ də aydın deyil, lakin HMD həm nostalji, həm də faydalılığı birlikdə təqdim etmək istəyir. Bu o deməkdir ki, Nokia 3210 (2024) versiyası yenidən gündəmə gələ bilər.

HMD yeni cihazı bu may ayında rəflərə qoymaq istəyir. Cihazın ölkəmizə gəlib-gəlməyəcəyi bəlli deyil, lakin onun qiyməti 100 dollar civarında olacaq.

Günel Məlikzadə
Fins.az