App Store uzun müddətdir ki, yüksək komissiya dərəcələrinə görə tənqid edilir. Bununla belə, minlərlə tərtibatçının yüksək məbləğlər qazandığı bir mağaza kimi seçilir. Apple-ın App Store üçün təklif etdiyi xidmətdə aşkar edilən xəta bəzi tərtibatçıların milyonçu olması ilə nəticələndi.

Fins.az xəbər verir ki, bəzi iOS tərtibatçıları App Store-da tətbiq qazancları panelində böyük səhv aşkar ediblər. Həftə sonu yazılar bəzi proqram sahiblərinin gəlirlərinin milyonlarla dollara çatdığını ortaya qoydu.

App Store Connect-də böyük bir səhv olduğu qeyd edildi. Apple tərəfindən tərtibatçılar üçün təklif olunan bu xidmət;  App Store-da yükləmələr, satışlar və tətbiqlərdən gələn gəlir kimi göstəriciləri izləmək imkanı təqdim edir. Bununla belə, platforma gəlir məlumatlarının səhv göstərilməsi səbəbindən çaşqınlıq yaratdı.

Sosial mediadakı yazılara görə, bəzi tərtibatçılar 24 saat ərzində qazanclarının 999 faizdən çox artdığını gördülər. Gəlir artımlarının tək saatlarda, qəfil artımları izah edə biləcək hər hansı promosyon və ya hadisə olmadan baş verdiyi qeyd edildi.

Anormal dərəcədə yüksək qazanc artımlarının səhv olduğu bildirilib. Rəqəmlər göstərdi ki, proqramlar bir neçə saat ərzində milyonlarla dollar qazanır. Təbii ki, əksər tərtibatçılar bu rəqəmlərin çox real olduğuna şübhə ilə yanaşırdılar.

Apple App Store Connect-də xəta olduğunu etiraf etdi. Bəzi tətbiqlərdə gəlirlərin hesablanmasında problemlər olduğu və tərtibatçılara səhv rəqəmlərin göstərildiyi bildirilib. Şirkət həmçinin, yanlış gəlir hesabatına səbəb olan səhvi düzəltmək üçün çalışdığını bildirdi.

Günel Məlikzadə
Fins.az