Apple bu ilin birinci rübündə dünya üzrə iPhone satışlarında təxminən 10 faiz azalma yaşadı. Eyni dövrdə qlobal smartfon tədarükləri 7,8 faiz artıb. Samsung bu rübdə 10 milyon ədədlə Apple-ı ötüb və ən çox smartfon tədarük edən istehsalçıya çevrilib.

Fins.az xəbər verir ki, Cənubi Koreyada yerləşən Samsung şirkəti birinci rübdə amerikalı rəqibi Apple-ı geridə qoyaraq liderliyi qazanıb.

Bu azalma çox vacibdir, çünki iPhone tədarükləri Apple-ın ümumi satışlarının böyük bir hissəsini təşkil edir.

Onu da qeyd edək ki, Apple-ın son rüb hesabatına görə, iPhone satışlarından əldə edilən gəlir 69,7 milyard dollara çatıb.

Günel Məlikzadə
Fins.az