Motorola Edge 50 seriyasına daha bir yeni model əlavə etməyə hazırlaşır. Bu yaxınlarda Edge 50 Pro-nu təqdim edən şirkət indi də seriyanın yeni modeli Motorola Edge 50 Fusion-u bir video ilə ortaya qoydu.

Fins.az xəbər verir ki, bu yaxınlarda seriyanın top modelini satışa çıxaran Motorola, indi həm sərfəli, həm də daha təvazökar xüsusiyyətlərə malik modeli açıqladı. Şirkət paylaşdığı video ilə Motorola Edge 50 Fusion-u təsdiqlədi və cihazın dizaynını da ortaya qoydu.

Əvvəlcə dizayna nəzər salsaq, Edge 50 Fusion seqmentdəki bir çox cihaza bənzər bir dizaynla gəlir. Korpusun arxasında düzbucaqlı kamera adasını daşıyan cihaz bu adada iki kameraya malikdir. Hamar parlaq örtük dizaynı ilə gələn Edge 50 Fusion çəhrayı, açıq mavi və mavi rəng seçimləri ilə çox qəşəng görünür.

6,7 düymlük ekranla çıxacaq Motorola Edge 50 Fusion bu poOLED ekranı Gorilla Glass 5 texnologiyası ilə qoruyur. Ekranın üstündə 32 meqapiksellik selfi kamerası daşıyan cihaz arxa tərəfdəki əsas kamera olaraq 50 meqapiksellik OIS dəstəkli sensordan istifadə edir. Bunun altında 13 meqapiksellik ultra geniş bucaqlı kamera var.

Snapdragon 6 Gen 1 prosessoru ilə təchiz edilmiş Edge 50 Fusion 8 GB RAM yaddaşı gətirir. Tək 256 GB yaddaş variantı ilə satışa təqdim ediləcəyi deyilən cihaz, qutuda 5000 mAh batareya daşıyır. Bütün bunlara əlavə olaraq 68W sürətli şarj dəstəyi və IP68 sertifikatı cihazın xüsusiyyətləri arasındadır. Cihazın nə vaxt təqdim ediləcəyi hələlik məlum deyil. Görək Motorola Edge 50 Fusion haqqında gözlənilən açıqlamanı nə vaxt verəcək.

Günel Məlikzadə
Fins.az