Bildiyiniz kimi, İsveç əsilli Volvo bu yaxınlarda Çinin Geely Qrupuna daxil edilib. İstehsal etdiyi möhkəm və güclü avtomobilləri ilə məşhur olan markanın ən çox satılanları arasında dizel avtomobilləri də var idi. Bununla belə, deyəsən, Volvo artıq dizel avtomobilləri ilə bağlı fikrini dəyişib.

Fins.az xəbər verir ki, keçən il verdiyi açıqlamada Volvo bundan sonra dizellə işləyən avtomobillər istehsal etməyəcəyini və ümumiyyətlə elektrik avtomobillərə diqqət yetirəcəyini bildirmişdi. Məsələ ilə əlaqədar olaraq marka elektrik avtomobillərə diqqət yetirmək istədiyini bildirərkən, daxili yanma mühərrikli vasitələrin istehsalına son qoymaq istədiyini də bəyan edib.

Məlum olduğu kimi, Çin elektromobil bazarında lider mövqeyə gəlib. O qədər ki, avropalı istehsalçılar 300-dən 500 kilometrə qədər diapazondan danışarkən, çinlilər 1000 kilometrdən çox məsafəni müzakirə edirlər.

Bununla belə, avropalı istehsalçılar bir müddət yarımçıq istehsal üsulu ilə fəaliyyətlərini davam etdirəcəklərini bildirsələr də, çinlilər artıq “tək fokuslu elektrik” şüarına keçiblər. 1979-cu ildən bəri dizellə işləyən avtomobillər istehsal edən Volvo-nun ümumilikdə dizel aqreqatlı 12 milyona yaxın avtomobil istehsal etdiyi təxmin edilir. Bu avtomobillərin sonuncusu dünən istehsal xəttindən çıxdı.

Şirkətin Torslanda zavodunda istehsal olunan sonuncu dizel mühərrikli Volvo avtomobilinin modeli XC90-dır. Mavi yolsuzluq avtomobili bir növ “innovativ texnologiyaları” təmsil edir. Avtomobil istehsal xəttindən çıxdıqdan sonra birbaşa Volvo muzeyinə aparılacaq və markanın 45 illik tarixini əks etdirəcək.

Günel Məlikzadə
Fins.az