Sənayedə bazar payını artırmaq üçün səylərini davam etdirən Realme, tezliklə GT Neo 6-nı təqdim edəcək. Markanın yeni telefonunun qiymət-performans yönümlü olması gözlənilsə də, oyunlarda istifadəçiləri sevindirəcək xüsusiyyətlərə sahib olacağı deyilir. Bəs model tam olaraq nə təklif edəcək? 

Fins.az xəbər verir ki, Realme GT Neo 6, satışa çıxarılmazdan əvvəl RMX3851 model nömrəsi ilə AnTuTu verilənlər bazasında göründü. Smartfon sınaqlardan 1 milyon 846 min 775 bal toplaya bilib. Bununla belə, cihazın bəzi texniki xüsusiyyətləri dolayısı ilə təsdiqlənib.

Realme GT Neo 6 Qualcomm Snapdragon 8s Gen 3 prosessoru ilə təchiz ediləcək . Hal-hazırda çipset haqqında rəsmi məlumat olmasa da, onun hazırkı flaqman prosessoru olan Snapdragon 8 Gen 3-ün overclock edilmiş versiyası olacağını rahatlıqla deyə bilərik. Prosessor; Bir 3,01 GHz yüksək performans, dörd 2,61 GHz performans və üç 1,84 GHz səmərəli nüvəyə əlavə olaraq, Adreno 735 qrafik blokuna sahib olacaq.

Realme GT Neo 6 spesifikasiyasına gəldikdə; Onun 1,5K təsvir ölçüsü və 144 Hz yeniləmə sürəti təklif edən OLED paneli ilə gəlməsi gözlənilir. Cihazın 24 GB-a qədər RAM və 1 TB-a qədər yaddaşla satılacağı mümkündür. OIS dəstəyi ilə 50 Meqapiksellik əsas kameraya sahib olacağı və 100 Vt doldurma sürətini dəstəklədiyi də deyilir. Nəhayət, cihazın yaxın bir neçə ay ərzində nümayiş etdiriləcəyi iddia edilir.

Günel Məlikzadə
Fins.az