ABŞ-ın e-ticarət nəhəngi Amazon da keçən ilin oktyabr-dekabr dövrü üçün balans hesabatını dərc edib.

Fins.az xəbər verir ki, buna görə Amazonun 2023-cü ilin son rübündəki gəliri əvvəlki ilin eyni dövrü ilə müqayisədə təxminən 14% artaraq 170 milyard dollara çatıb.

Bazar gözləntiləri şirkətin 166 milyard dollar gəlir əldə etməsi idi. Şirkətin xalis satışları 2022-ci ilin dördüncü rübündə 149,2 milyard dollar olaraq qeydə alınıb.

Ötən ilin son rübündə Amazon-un xalis mənfəəti 10,6 milyard dollara yüksəlib. Şirkət ötən ilin eyni dövründə 278 milyon dollar mənfəət əldə edib.

2023-cü ildə şirkətin gəliri 574,8 milyard dollar olduğu halda, eyni dövrdə Amazonun xalis mənfəəti 30,4 milyard dollar olaraq qeyd edildi.

Elektron ticarət nəhənginin səhm başına xalis mənfəəti 2023-cü ilin son rübündə 1 dollar olaraq hesablanıb. Şirkət əvvəlki ilin eyni dövründə səhm başına 3 sent mənfəət açıqlamışdı.

Digər tərəfdən Amazon, bu ilin ilk rübündə 138 ilə 143,5 milyard dollar arasında gəlir gözlədiyini açıqladı.

Günel Məlikzadə
Fins.az