Google istifadəçilərin məxfiliyinin pozulması halında 5 milyard dollar təzminat ödəyəcək

Amerikanın texnologiya şirkəti Google, istifadəçilərinin məxfiliyini pozduğu səbəbiylə açdığı iddiada 5 milyard dollar təzminat ödəməyi qəbul edib.

Fins.az BBC-nin məlumatına istinadən xəbər verir ki, Kaliforniya Dairə Məhkəməsi Google-a qarşı istifadəçilərinin məxfiliyini pozduğu iddiası ilə açılan iddiada barışıq əldə edildiyini açıqlayıb.

Sədrlik edən hakim Yvonne Gonzalez Rogers, Google-un iddiaçılarla 5 milyard dollar təzminat ödəməsi ilə bağlı razılığa gəldiyini açıqladı.

İş 2020-ci ildə Boies Schiller Flexner hüquq firması tərəfindən qaldırılıb və iddia edilib ki, Google kukiləri Chrome-da gizli rejimi işə saldıqdan sonra belə istifadəçilərin internetə baxış fəaliyyətini izləməyə davam edir.

Digər tərəfdən, Google sözçüsü Xose Kastaneda iddiaları rədd edərək, qanuni yollarla özlərini güclü şəkildə müdafiə edəcəklərini qeyd edib.

Castaneda iddia etdi ki, Chrome-dakı inkoqnito rejimi brauzerdə və ya cihazda qeyd edilmədən internetə baxmaq imkanı təklif edir, lakin hər dəfə yeni inkoqnito nişanı açılanda veb-saytlar baxış fəaliyyətləri haqqında məlumat toplaya bilər.

Hakim Rocers keçən il Google-un işin ləğvi ilə bağlı müraciətini rədd etdi.

Dekabrın əvvəlində Google, Android proqram mağazası Google Play Store-a qarşı rəqabəti boğmaq ittihamı ilə ona qarşı açılan antiinhisar iddiasında 700 milyon dollar ödəməyə razılaşdı.

Günel Məlikzadə
Fins.az