Vivo -nun alt brendlərindən biri olan iQOO  Neo 8 seriyasının davamçıları olacaq iQOO Neo 9 və Neo 9 Pro üçün hazırlıqlarını tamamlamaq üzrədir. Telefonların bəzi əsas xüsusiyyətləri əvvəllər aydın olmuşdu. İndi Neo 9 seriyasının təqdimat tarixi açıqlanıb.

Fins.az xarici KİV-ə istinadən xəbər verir ki, iQOO Neo 8 və 8 Pro keçən may ayında təqdim edildi və xüsusiyyətləri ilə sıçrayış etməyi bacardı. Pro model MediaTek Dimensity 9200+ prosessoru  ilə rekord qırıb. Bu kontekstdə iQOO Neo 9 seriyası üçün həyəcanlı gözləmə davam etdi. 

 iQOO Neo 9 seriyasının dekabrın 27-də təqdim ediləcəyi bildirilir. Bununla belə, qeyd etməliyik ki, hər iki model ilk olaraq Çin bazarında satışa çıxarılacaq. Qlobal bazara çıxmaq üçün yəqin ki, 2024-cü ilin əvvəlinə qədər vaxt lazım olacaq. 

Günel Məlikzadə
Fins.az