Trendyol elektron ticarət platforması Səudiyyə Ərəbistanının pərakəndə satış şirkəti Cenomi Group ilə strateji əməkdaşlıq niyyəti məktubu imzaladığını açıqlayıb.

Fins.az Bloomberg-ə istinadən xəbər verir ki, əməkdaşlıq çərçivəsində moda və yaşayış sahələrinə diqqət yetirəcək platforma Trendyol-un yeni fəaliyyətə başladığı Səudiyyə Ərəbistanı, Birləşmiş Ərəb Əmirlikləri, Qətər, Küveyt, Oman və Bəhreyndə xidmət göstərəcək.

Əməkdaşlıq çərçivəsində Trendyol-un bu ölkələrdə xidmət göstərən mövcud platforması yaxın aylarda yenilənəcək və müxtəlif kateqoriyalar üzrə seçimlər təqdim edəcək.

Trendyol Qrupunun prezidenti Çağlayan Çətin "Bölgədəki investorlarımız, ADQ və Qətər İnvestisiya Təşkilatının dəstəyi ilə Trendyol-un Körfəz ölkələrində genişlənməsi bizim ən mühüm inkişaf strategiyalarımızdan biridir. Yeni platforma bölgədəki fəaliyyətimizi daha da gücləndirsə də, burada artıq yüksək keyfiyyətli türk məhsulları və beynəlxalq markalar təqdim edirik; "İki şirkətin ortaq bilik və təcrübəsinə əlavə olaraq, bu, onların öz bazarlarında qabaqcıl olduqları müştəri təcrübəsi bacarıqları ilə gücləndiriləcək".

Şirkətdən verilən açıqlamaya görə, Səudiyyə Ərəbistanının ən böyük şaquli inteqrasiya olunmuş həyat tərzi və pərakəndə təşkilatı olan Cenomi, pərakəndə franchise əməliyyatları ilə yanaşı, xüsusi loyallıq proqramı və e-ticarət platforması fəaliyyətləri də həyata keçirir.

Günel Məlikzadə
Fins.az