Apple -ın yeni iPhone 15 Pro və Pro Max modellərində fəaliyyət düyməsi ilə cihazlar daha çox fərdiləşdirmə funksiyalarına malikdir.

Bu yolla istifadəçilər şəxsi seçimlərinə uyğun olaraq kameranın açılması, fənər, səsli qeyd, böyüdücü şüşə kimi bir çox əlçatanlıq xüsusiyyətlərini şəxsi seçimlərinə uyğun olaraq tez bir zamanda təyin edə və qısayol olaraq daha sürətli daxil ola bilərlər.

Fins.az xarici KİV-ə istinadən xəbər verir ki, bu yaxınlarda OpenAI süni intellekt köməkçisi ChatGPT-nin səsli söhbət xüsusiyyətinin bütün istifadəçilər üçün pulsuz olduğunu elan etdi.

iPhone 15 Pro və Pro Max-in fəaliyyət düyməsi sayəsində istifadəçilər ChatGPT-nin səsli söhbət xüsusiyyətinə qısa yoldan daxil ola biləcəklər.

Beləliklə, OpenAI iPhone səs köməkçisi Siri-ni ChatGPT ilə əvəz edə biləcək.

Bu funksiyanı aktivləşdirmək üçün iOS parametrlərindən “Əməliyyat düyməsi” menyusuna daxil olub, sonra “Qısayol” seçimini seçib “Qısayol seçin” düyməsini sıxmaqla dəstəklənən proqramları əlifba sırası ilə sıralaya bilərsiniz. 

Sonra ChatGPT-ni seçib onu fəaliyyət düyməsi ilə əlaqələndirə və Siri-ni ChatGPT ilə "Səsli söhbətə başla" qısayolu ilə əvəz edə bilərsiniz. 

Günel Məlikzadə
Fins.az