Vivo-nun yeni flaqmanı X100 seriyası bu gün keçiriləcək Çin tədbirində istifadəçilərə təqdim ediləcək. Smartfonların təqdimat vaxtı yaxınlaşdıqca aşkarlanan məlumatların sayında əhəmiyyətli artım müşahidə olunur. Son hesabat serialın qiymətlərini açıqlayır.

Fins.az xarici KİV-ə istinadən xəbər verir ki, bu yaxınlarda sızan bir sənəd Vivo X100 və X100 Pro-nun variantlarını və qiymətlərini ortaya qoydu. Müvafiq olaraq, standart modelin 12 GB + 256 GB versiyası 3 999 Yuan (550 dollar), 16 GB + 512 GB versiyası isə 4 699 Yuan (650 dollar) qiymətinə satılacaq.

Vivo X100 Pro modelinin 12 GB + 256 GB versiyasının qiyməti 4 999 Yuan (700 dollar), 16 GB + 512 GB variantı isə 5 699 Yuana (800 dollar) satılacaq. Bundan başqa Pro modeli Star Trail Blue (Mavi), Sunset Orange (Narıncı), White Moonlight (Ağ) və Cheyne Black (Qara) rəng seçimləri ilə rəflərdə olacaq.

Günel Məlikzadə
Fins.az