ABŞ-ın yeni ixrac nəzarətləri çip nəhəngi Nvidia-nı gələn il Çindən milyardlarla dollar dəyərində qabaqcıl çip sifarişlərini ləğv etməyə məcbur edə bilər.

Fins.az Wall Street Journal-a istinadən xəbər verir ki, şirkət bu il üçün Çinə qabaqcıl süni intellekt çiplərinin sifarişlərini çatdırmağı artıq başa vurub və yeni qaydaların noyabrın ortalarında qüvvəyə minməsi planlaşdırılana qədər təxminən 2024 sifarişi əvvəlcədən çatdırmağa çalışıb.

Bunun üzərinə ABŞ hökuməti keçən həftə Nvidia-ya göndərdiyi məktubda Çin də daxil olmaqla ölkələrə yüksək səviyyəli çip satışına yeni ixrac məhdudiyyətlərinin dərhal qüvvəyə minəcəyini açıqlayıb.

Çinin Alibaba Group, TikTok sahibi ByteDance və Baidu kimi ən böyük süni intellekt və bulud hesablama şirkətlərinin gələn il çatdırılması üçün böyük sifarişlər verdiyi bildirilib.

Xəbərə görə, böyük Çin şirkətlərinin 2024-cü il üçün verdiyi sifarişlər 5 milyard dollardan çox olub.

Günel Məlikzadə
Fins.az