İlon Mask əvvəllər "Twitter" kimi tanınan "X" sosial media platformasını da alış-veriş platformasına çevirmək üçün düyməni basıb. Bu çərçivədə Paris Hilton ilə əməkdaşlıq çərçivəsində istifadəçilərin sosial media platformasında canlı alış-veriş imkanları sınaqdan keçiriləcək.
Fins.az xəbər verir ki, şirkət deyib:

"Biz birlikdə video, canlı video, canlı alış-veriş və hətta "Spaces" vasitəsilə hamınızla əlaqə qurmağın yeni yollarını araşdıracağıq. Biz yeni başlayırıq."
Elanda canlı yayım tədbirinin nə vaxt başlayacağı və ya hansı məhsulların satılacağı barədə təfərrüatlar verilməyib.

Walmart, 2022-ci ilin noyabrında Twitter-də istifadəçilərin canlı yayımı izləyə, seçilmiş məhsulları satın ala və hadisə ilə bağlı söhbətə qoşula biləcəyi "Cyber ​​​​Deals" canlı tədbirini işə salan ilk tərəfdaş olub.

X-in canlı alış-veriş üçün texnologiya infrastrukturu Twitter-in Maskdan əvvəlki dövrdə yaradılıb. X CEO Linda Yaccarino ortaqlığın Hiltonun media şirkəti ilə edildiyini açıqlayıb. Mask X-in sadəcə bir mikrobloq saytı deyil, yaradıcılara xidmət edən və onlara öz fanat bazalarından pul qazanmağa imkan verən bir yerə çevirmək planları olduğunu bildirib.
Günel Məlikzadə
Fins.az