ABŞ-da yerləşən e-ticarət və texnologiya şirkəti Amazon.com süni intellekt startapı Anthropic-ə 4 milyard dollara qədər sərmayə qoyacağını açıqlayıb.

Fins.az Bloomberg-ə istinadən xəbər verir ki, Amazon əməkdaşları və bulud hesablama müştəriləri Anthropic texnologiyasına erkən giriş əldə edəcək və ondan öz bizneslərində istifadə edə biləcəklər.

San-Fransiskoda yerləşən Anthropic şirkəti Amazon-dan alacağı xüsusi mikroçiplərin böyük partiyalarında gələcək süni intellekt modellərini sınaqdan keçirmək də daxil olmaqla, ilk növbədə Amazon-un bulud xidmətlərinə etibar etməyi öhdəsinə götürüb.

Amazon-un bulud bölməsinin və Anthropic-in CEO-ları birgə müsahibələrində nağd şəkildə ediləcək investisiyanın ilk hissəsinin 1,25 milyard dollar həcmində olacağını və hər iki tərəfin əlavə 2,75 milyard dollar təmin etmək səlahiyyətinin olduğunu açıqladılar. 

Baş direktorlar Anthropic Amazon-un nə qədərinin sahibi olacağını və ya startapın son olaraq 4 milyard dollardan çox qiymətləndirilən cari dəyərini açıqlamayıblar. Amazon, Anthropic-də idarə heyətində yer qazanmayacağını, ancaq azlıq payına sahib olacağını bildirdi.

Onu da qeyd edək ki, "Google" da may ayında Anthropic-ə 450 milyon dollar sərmayə qoyub.

Günel Məlikzadə 
Fins.az