Huawei, Çində Huawei Mate 60 Pro 5G modelini təqdim etdi.

Fins.az xarici mətbuata istinadən xəbər verir ki, Huawei Mate 60 dizayn baxımından yüksək səviyyəlidir.

Mate 60-ın ön hissəsində kamera dəliyi olan düz OLED panel var. Bu panel 2688 x 1216 piksel Full HD+ həlli, 120 Hz yeniləmə sürəti, 10 bit rənglər və 1440 Hz PWM karartma təklif edir. Pro modeli peyk bağlantısını dəstəkləyir, Mate 60 da bu dəstəyə malikdir.

Huawei Mate 60 üç variantda təqdim olunur: 12 GB RAM + 256 GB yaddaş 750 dollar, 12 GB RAM + 512 GB yaddaş 820 dollar və 12 GB RAM + 1 TB yaddaş 960 dollar. O, sentyabrın 10-dan Çində satışa çıxarılacaq. 

Qeyd edək ki, Huawei-nin sentyabr ayında Çində Huawei Mate 60 Pro+ və Huawei Mate 60 RS modellərini təqdim edəcəyi gözlənilir.

Zəminə Hüseyn
Fins.az