Parallels Desktop 19-cu versiya yeniləndi.

Fins.az xarici mətbuata istinadən xəbər verir ki, yeniləmə macOS Sonoma inteqrasiyası, yeni dizayn, Touch ID ilə parolsuz giriş kimi gözəl yeniliklər gətirir.

Touch ID istifadəçiyə parol olmadan Windows-a daxil olmağı və autentifikasiyanı həyata keçirməyi asanlaşdırır. Windows parolları Touch ID dəstəyi ilə macOS açar zəncirində saxlanılır.

Parallels 19 ilə proqram nişanları və istifadəçi interfeysi də yenilənib. Naviqasiya daha da asanlaşdırılıb və görünüş daha müasir edilib. 

Parallels 19 qiyməti 100 dollardan başlayır. Pro versiyasının qiyməti 120 dollardır. Bu qiymətlər illikdir. Hər il yeni versiyanı sınamaq əvəzinə eyni versiyada qalmağı kafi hesab edənlər üçün lisenziya qiyməti 130 dollardır. Parallels Desktop for Mac (Standard) 1 illik lisenziyası Türkiyədə rəsmi saytında 3578 TL-yə satılır.