"Amazfit" brendi "Cheetah" seriyasının bir hissəsi olaraq yeni ağıllı saatını təqdim edib.

Fins.az xarici mətbuata istinadən xəbər verir ki, "Cheetah Square" adlanan model 9 mm qalınlığında düzbucaqlı gövdəyə malikdir.

O, həmçinin alüminium çərçivə və 5 ATM-ə qədər suya davamlıdır.

Şirkət cihaza 1,75 düymlük AMOLED displey daxil edib. Panel 450 x 390 piksel təsvir ölçüsü və 1000 nit maksimum parlaqlığı ilə seçilir. Qeyd edək ki, smart saat 100-dən çox yığım və Always On Display dəstəyi ilə təklif olunur.

"Amazfit"in ən son ağıllı saatı 8 günə qədər batareyanın ömrünü və ya dəqiq GPS izləmə ilə 13 saata qədər işləməyi vəd edir. "Amazfit Cheetah Square"nin qiyməti 229 avrodur. Cihaz hazırda Avropada satışdadır.

Zəminə Hüseyn
Fins.az