Çinin e-ticarət şirkəti Alibaba, 220 milyard dollarlıq imperiyasını "səhmdarların dəyərini ortaya çıxarmaq və bazar rəqabət qabiliyyətini artırmaq" üçün 6 hissəyə bölünmə planını açıqlayıb.

Fins.az bu barədə CNN-ə istinadən xəbər verir.

Alibaba indi yenidən strukturlaşdırma ilə böyüməni canlandırmaq istəyir. Bölmələr şirkətin strateji prioritetləri ətrafında qurulub.

Hissələrin aşağıdakılar kimi olacağı göstərilib:

-Cloud Intelligence Group: Şirkətin bulud və süni intellekt fəaliyyətlərini yerləşdirəcək. Bu biznesə Alibaba baş icraçı direktoru Daniel Zhang rəhbərlik edəcək.

-Taobao Tmall Ticarət Qrupu: Bu, Taobao və Tmall daxil olmaqla şirkətin onlayn alış-veriş platformalarını əhatə edəcək.

-Yerli Xidmətlər Qrupu: Yu Yongfu baş icraçı direktoru  olacaq və biznes Alibaba-nın qida çatdırılması xidməti Ele.me və onun xəritəsini əhatə edəcək.

-Cainiao Smart Logistics: Wan Lin, Alibaba-nın logistika xidmətinə ev sahibliyi edən bu biznesə baş icraçı direktor olaraq davam edəcək.

-Qlobal Rəqəmsal Ticarət Qrupu: Jiang Fan baş icraçı direktoru vəzifəsini icra edəcək. Bu bölməyə Alibaba-nın beynəlxalq e-ticarət müəssisələri, o cümlədən AliExpress və Lazada daxil olacaq.

-Rəqəmsal Media və Əyləncə Qrupu: Fan Luyuan Alibaba-nın yayım və film biznesini əhatə edən bölməsinin baş icraçı direktoru olacaq.

Elanla şirkətin səhmləri ABŞ-da bazar öncəsi ticarətdə 9 %-dən çox dəyər qazanıb.

Zəminə Hüseyn
Fins.az