İş dünyasının sosial media platforması olaraq göstərilən “Linkedin”də 700 milyon istifadəçi məlumatları oğurlanıb və hətta satışa çıxarılıb.

Satışı reklam edən haker sübut olaraq 1 milyon istifadəçi məlumatını pulsuz paylaşıb.

“Linkedin” istifadəçilərinin ümumi sayı təqribən 756 milyon nəfərdir. Bu o deməkdir ki, 92 %-dən çox istifadəçinin məlumatları pozulub.

Məlumatlar 700 milyon istifadəçinin tam adlarını, e-poçt adreslərini, telefon nömrələrini, coğrafi yerləşmə qeydlərini, ünvanını, bəzi maaş məlumatlarını və digər sosial media hesabları ilə bağlı məlumatları əhatə edir.

Qeyd edək ki, aprel ayında da “Linkedin”də 500 milyon istifadəçi məlumatı kiber cinayətkarlar tərəfindən ələ keçirilib.