Macarıstanın hava yolları şirkəti, Avropanın ən iri ucuzqiymətli sərnişin daşıyıcılarından biri Wizz Air ötən ilin martından bəri son 12 ayın nəticələrini açıqlayıb.
Şirkətin bugünkü bəyanatına istinadla əsas rəqəmləri təqdim edir:
2020 mart-2021 mart dövründə daşınan sərnişin sayı: 10 milyon nəfər, 74,6% azalma (əvvəlki dövrdə - 40 milyon sərnişin);
Gəlirlər: 739 milyon avro, 73,2% azalma (əvvəlki dövrdə - 2,76 milyard avro);
Xalis zərər: 482,4 milyon avro (ötən dövrdə mənfəət - 344 milyon avro)
Zərər marjası: - 77,9% (əvvəlki dövrdə mənfəət marjası: 10,2%)
Balansındakı təyyarələrin sayı: 137 ədəd, 13% artım (əvvəlki dövrdə say – 121 ədəd).
Şirkət nəticələr barədə açıqlamasında “pandemiya məhdudiyyətlərinin həddən artıq uzun çəkməsi və karantin tədbirlərinin hələ də tam yumşaldılmamasına görə 2021 mart-2021 mart dövründə də mənfəət deyil, xalis zərər proqnozlaşdırdığını” bildirib. Aprel-iyun ayları ərzində normal uçuş qrafikinin cəmi 30%-nin icra olunacağı gözlənilir.
Şirkətin baş direktoru Jozsef Varadi yalnız növbəti ilin martından sonra uçuşları tam həcmdə bərpa edəcəklərini və mənfəətə çıxa biləcəklərini ehtimal edir: “Baxmayaraq ki, biznes istədiyimizdən çox gec özünə gəlməyə başlayır, biz hələ də ehtiyatlı optimizmə üstünlük veririk”.
Açıqlamanın ardından son bir ildə 40%-ə qədər artan Wizz Air səhmləri 2,5% ucuzlaşıb.
© Marja